You are here

Tatariw Amharic website Ethiopia wake up

ኢትዮጵያውያን እንብላ እንደምንለው ሁሉ እንስራስ ማለት እንወዳለን? አይመስለኝም! አሁን ያለንበት ሁኔታ ምስክር በአካልና በአዕምሮአችን ስለማንሰራ ነው፡፡ ጉድ ፈላ!

Tatariw Amharic website Ethiopia wake up

መሰረታዊ የአስሊ ዕውቀት፡፡ የአስሊ አጠቃቀም አጉል ባህሪ ካለወት አስሊወ በቫይረስና በሰላዮች ይጠቃል፡፡ ርካሽ ወይም ነጻ የሆኑ ጥሩ አማራጮችን ያውቃሉ?

Tatariw Amharic website Ethiopia wake up

ስለ ብቃትዎ ምን ያውቃሉ? ለምሳሌ ስለ እልህና ንዴት፤ ወድቆ መነሳት፤ ነጻነት፤ መምራትና መግባብት ወዘተ፡፡ ማሰብ፣ መናገርና ማድረግ መተው ዝምታ ነው!

Tatariw Amharic website Ethiopia wake up

ስለ ባህሪዎ ምን ያውቃሉ? ቀላል ነገሮች ላይ ይሳሳታሉ? ለምሳሌ በቀጠሮ መዘግየት፣ ቋንቋ መቀላቀል፣ ከማዳመጥ ይልቅ ብዙ ማውራት፣ እምነትዎስ ነካ ነካ ነው?

Tatariw Amharic website Ethiopia wake up

የሚያልሙትን ስራ አግኝተው ለማቆየት ስልቱን ያውቁታል? በስራ አለም ውስጥ የተጻፉና ያልተጻፉ ህጎችን ልብ ካሉ በስራዎ ለመደሰት፣ ለማደግና ለመርካት ይረዱወታል!!

Tatariw Amharic website Ethiopia wake up

በቀላሉ እራስዎን ይንከባከባሉ? የሚበላ ምግብ፣ የሚጠጣ መጠጥና የሚታሰብ ሃሳብ ወደ ሰውነታችን ስለሚገባ ህይወታችን ውስጥ ሚና አለው፡፡ ለምን?

1
2
3
4
5
6

ጨዋነት ምንድነው? ለመሆኑ እርስዎስ ጨዋ ነዎት?

tatariw's picture
Submitted by tatariw on Mon, 08/09/2004 - 11:00

ዋነት እንዴት ይገኛል? አንድ ግለሰብ ጨዋ ሊባል የሚችለው ምን ሲሆንና ምን ሲያደርግ ነው? ጨዋ ሰው ከሌሎች ጋር ምን አይነት አቀራረብ አለው? መጀመሪያ እስኪ ስለ ጨዋነት ባጭሩ እንመልከት፡፡ በኋላ ደግሞ ጨዋነትን በትንተና መልክ አቀርባለሁ፡፡ አንድ ሰው ስለ ጨዋነት ካወቀና ከተለማመደ በቀላሉ ጨዋ መሆን ይችላል፡፡ በጥቅሉና በቀላሉ ጨዋ ማለት አንድ ሰው ለመልካም አስተሳሰብና ድርጊት እራሱን ማዘዝና ስነስርአት ማስያዝ ሲቻል ነው፡፡

ለምሳሌ ጨዋ ሰው ልቡ ደግ፣ አዕምሮው ጥበበኛ ነው፡፡ በቀጠሮ ጊዜ በሰዓቱና በቦታው ይገኛል፡፡ ብዙ ከመናገር ይልቅ ሌሎችን ያዳምጣል፡፡ ሰው ሲናገር አያቋርጥም፡፡ ቅንና ትልቅ ነገር አጣምሮ ካሰበ በኋላ በተግባር ለመተርጎም ይጥራል፡፡ በስራ ያምናል፡፡ ጫት አይቅምም፡፡ ለሚያደርገውና ለሚናገረው ነገር ሃላፊነት ይሰማዋል፡፡ ሌላ ሰው አያማም፡፡ ቂም አይዝም፡፡ የሚያናድድ ነገር ሲያጋጥመው በተቻለ መጠን እራሱን መቆጣጠር ይችላል፡፡ ወይም ንደቱ አጭርና አላፊ ነች፡፡ ስህተቱን አይክድም፡፡ ከስህተቱም ይማራል፡፡ ሲያጠፋ ይቅርታ ይጠይቃል፡፡ ውለታ ይከፍላል፡፡ በቃሉ ይገኛል፡፡ ጉቦ አይበላም፡፡ አስተሳሰቡና ተግባሩ ገንቢ ነው፡፡ ረጋ ብሎ ሌሎችን ሳያቋርጥ በጥሩ ቋንቋ ሃሳቡን ይገለፃል፡፡ ሃሳቡም ጠቃሚና ገንቢ ነው፡፡

በጥቅሉና በቀላሉ ጨዋ ማለት አንድ ሰው ለመልካም አስተሳሰብና ድርጊት እራሱን ማዘዝና ስነስርአት ማስያዝ ሲቻል ነው፡፡

ይወትን የሚያያት በገንቢነቷ ነው፡፡ ለሌሎችም ተስፋና ድጋፍ ይሰጣል፡፡ በምክንያት ካልሆነ ወይም ካልተጠየቀ በስተቀር ስለራሱ ብዙ አያወራም፡፡ ሲናገርና ሲያዳምጥም አልፎ አልፎ ፈገግ ይላል፡፡ የእናቱን ቋንቋ አስተካክሎ ይናገራል፡፡ ደስታ ከውስጥ ይፈልቃል እንጂ ከውጭ በቁሳቁስና በገንዘብ ይመጣልኛል ብሎ አያምንም፡፡ መብቱንና ግዴታውን በሚገባ ስለሚያውቅና ስለሚተገብር ነጻነቱን ያስከብራል፡፡

ሰውን በደንብና ከልብ ያከብራል፡፡ ሌሎች ጥሩ ስራ ሲሰሩ ያደንቃቸዋል፥ ድጋፍም ይሰጣቸዋል፡፡ ትልቆቹንም ያከብራል፡፡ ፈገግ እያለ ሞቅ ያለ ሰላምታ ይሰጣል፡፡ ሰላምታ ሲያቀርብም ሰላም የሚለውን ግለሰብ እንጂ ጋራ ጋራውን አያይም፡፡ ለመጀመሪያ ጊዜ ሰው ጋር ሲተዋወቅ ወይም ለዕንግድነት ሄዶ እጁን ሲያስታጥቡት ብድግ ይላል፡፡ ሰው ፊትና መንገድ ላይ የግድ ካልሆነ በስተቀር ምራቁን አይተፋም፡፡ እኪሱ ውስጥ ይዞ ይጠብቃል እንጂ ብጣሽ ወረቀትም መንገድ ላይ አይጥልም፡፡ መተላለፊያ ወይም መግቢያና መውጫ ላይ ሌሎችን ያስቀድማል፡፡ ግብዢያ ላይ ለራሱ ውኋ የሚቀዳው መጨረቻ ላይ ነው፡፡ በአጠቃላይ ደግሞ ከብልህነት ጋር 'ፅድቅና ኩነኔ ቢኖርም ባይኖርም፥ ከክፋት ደግነት ሳይሻል አይቀርም' በሚለው ባባቶቻችን ጥቅስ ያምናል፡፡

ጨዋነት እንዴት ይገኛል?

ንግዲህ አብዛኛውን ጊዜ ጨዋነት የሚገኘው አንድ ግለሰብ ከአስተዋለ በኋላ ለተገቢው ነገር እራሱን ማዘዝ ሲችል ነው፡፡ ጥሩ ዜና ስላለኝ ልንገረዎት፡፡ ጨዋ ለመሆን ማንም ግለሰብ ሃኪም ወይም የሮኬት ሰሪና አብራሪ መሆን አያስፈልገውም፡፡ ጨዋነትም በዕድል ወይም በተፈጥሮ የሚገኝ አይደለም፡፡ ነገር ግን ማንኛውም ግለሰብ ጨዋ መሆን ይችላል፡፡ ጨዋነት በትምህርት፣ በልምምድ፣ በማስተዋልና ራስን ለጥሩ ተግባር በማዘዝ የሚገኝ ነው፡፡ ትምህርትና ልምምዱን እርስዎ እንዴት እንደሚጠቀሙበት በሚቀጥሉት ጽሁፎች አቅጣጫና ፍንጭ አሳይዎታለሁ፡፡ ከተዘረዘሩት ጨዋነቶች ውስጥ እያንዳንዳችን ቢያንስ ግማሾቹን እንኳን ብንሸፍን ኢትዮጵያ አገራችን በደንብ ማደግ ትችላለች፡፡ የእያንዳንዳችንም የግል ህይወት መሻሻል ይችላል፡፡ የክብርም ባለቤቶች መሆን እንችላለን፡፡ ክብርም ሳንጠይቃት በፍጥነት ወደእኛ ትመጣለች፡፡

የተጠቀሱትን ቀላል የሆኑ ጨዋነቶችን በተግባር ስናሳይ ብቻ ነው ማደግ እምንችለው፡፡ እንግዲህ አባቶቻችን 'ነገር በምሳሌ ፥ ጠጅ በብርሌ' ብለዋል፡፡ እና እኔም የዘረዘርኳቸውን የጨዋነት ተግባሮችን በተገቢው ለመተንተን እጥራለሁ፡፡ በሚገባዎት መንገድ ሆኖ ባጭሩ፥ በቀላሉና በቀጥታ እገልፃለሁ፡፡ እንዚህም አገላለጾች በምርምር፣ በቀጠሮ፣ በቋንቋ፣ በክብር፣ በኢትዮጵያ፣ በአስተሳሰብ ወዘተ በሚቀጥሉት ገጾች ላይ ተተንትነዋል፡፡

Comments

ሰላም!
አመሰግናለሁ አባተ! ቀጣዮቹ ጽሁፎች http://tatariw.net/attitude-new ያሉትን በሙሉ ማለቴ ነው! //ፋተ

አዲስ አስተያየት ይጨምሩ