You are here

Tatariw Amharic website Ethiopia wake up

ኢትዮጵያውያን እንብላ እንደምንለው ሁሉ እንስራስ ማለት እንወዳለን? አይመስለኝም! አሁን ያለንበት ሁኔታ ምስክር በአካልና በአዕምሮአችን ስለማንሰራ ነው፡፡ ጉድ ፈላ!

Tatariw Amharic website Ethiopia wake up

መሰረታዊ የአስሊ ዕውቀት፡፡ የአስሊ አጠቃቀም አጉል ባህሪ ካለወት አስሊወ በቫይረስና በሰላዮች ይጠቃል፡፡ ርካሽ ወይም ነጻ የሆኑ ጥሩ አማራጮችን ያውቃሉ?

Tatariw Amharic website Ethiopia wake up

ስለ ብቃትዎ ምን ያውቃሉ? ለምሳሌ ስለ እልህና ንዴት፤ ወድቆ መነሳት፤ ነጻነት፤ መምራትና መግባብት ወዘተ፡፡ ማሰብ፣ መናገርና ማድረግ መተው ዝምታ ነው!

Tatariw Amharic website Ethiopia wake up

ስለ ባህሪዎ ምን ያውቃሉ? ቀላል ነገሮች ላይ ይሳሳታሉ? ለምሳሌ በቀጠሮ መዘግየት፣ ቋንቋ መቀላቀል፣ ከማዳመጥ ይልቅ ብዙ ማውራት፣ እምነትዎስ ነካ ነካ ነው?

Tatariw Amharic website Ethiopia wake up

የሚያልሙትን ስራ አግኝተው ለማቆየት ስልቱን ያውቁታል? በስራ አለም ውስጥ የተጻፉና ያልተጻፉ ህጎችን ልብ ካሉ በስራዎ ለመደሰት፣ ለማደግና ለመርካት ይረዱወታል!!

Tatariw Amharic website Ethiopia wake up

በቀላሉ እራስዎን ይንከባከባሉ? የሚበላ ምግብ፣ የሚጠጣ መጠጥና የሚታሰብ ሃሳብ ወደ ሰውነታችን ስለሚገባ ህይወታችን ውስጥ ሚና አለው፡፡ ለምን?

1
2
3
4
5
6

ወዳጅና ጓደኛዎ ማነው? ስለ ጥርጣሬና አፍራሽ ነገሮች፤ ክፍል ሁለት፤

tatariw's picture
Submitted by tatariw on Mon, 03/02/2015 - 22:28
Tatariw Ethiopia Amharic website Addis Abeba

ፍል አንድ ላይ ወዳጅና ጓደኛ ምን እንደሆነና እንደት እንደሚገኝ ባጭሩ አቅርቤአለሁ። በክፍል አንድና ሁለት መካከል ያለውን ግንኙነት ለማወቅ መጀመሪያ ክፍል አንድን ማንበብ አለብዎት። እዚህ ሁለተኛው ክፍል ላይ ግን በወዳጅነት መካከል ሊፈጠሩ የሚችሉ ነገሮችን እናያለን። እነሱም መጠራጠርና አፍራሽ ነገር ማሰብ ናቸው።

ጥርጣሬን ማጣራትና ማስወገድ፤

ርጣሬዎች ሁለት አይነት ናቸው። አንደኛው ከውስጣችን የሚመነጭ ጥርጣሬ ነው። ሁለተኛው ከውጭ ወይም በሌላ ሰው ምክንያት የሚመጣ ጥርጣሬ ወይም ወሬ ነው። ከውጭ የሚመጣ ጥርጣሬ ለምሳሌ እከሌ እንዲህ ብሎሃል ሊሆን ይችላል። እከሌኮ ስለ አንተ የሚያስበውና የሚያወራው እንዲህ ነው የሚል ሊሆን ይችላል። ወዳጅነትን ከመሰለ ትልቅ ቁርኝት ላይ ከሌላ ሰው ሰምቶ መወሰን ስህተት ነው። ከሰው በሰሙት ወሬ ምክንያትም ሰበብ መፈለግም አያስፈለግም። እውነት ሊሆንም ስለሚችል ዝም ማለትም አያስፈልግም። ሆኖም ግን መንገዱ የተለያየ ቢሆንም መጠየቅ፣ ማጣራትና ማወቅ አስፈላጊ ይመስለኛል። በደፈናው ረስተንና ንቀን ካልተውነው በስተቀር ዝም ብለን በጥርጣሬ መኖርም አስቸጋሪ ነው። እውነቱን ማወቅ የምንችለው ስናጣራ ብቻ ነው።

ሁለተኛው ደግሞ ከላይ እንደጠቀስኩት ከውጭ ሳይሆን እራሳችን በውስጣችን የምናስበው ጥርጣሬ ነው። ለምሳሌ እከሌን እዚህ ቦታ ስላየሁት እንዲህ ሊሆን ይችላል። እከሌን ከነ እከሌ ጋር ስላየሁት እንደነሱ ሆኗል። የጠረጠርነው ትክክል ሊሆን ይችላል። ውሸትም ሊሆን ይችላል። እውነትና ውሸት ይዞ መኖር ይደብራል። ሆኖም ግን ማወቅና አስፈላጊ ሆኖ ካገኘነው ማጣራቱ ጥሩ ነው። በጥርጣሬ ምክንያት ግን ማጋነንና ሰውን መፈረጅ ስህተት ነው። ጥርጣሬንም መሰረት አድርጉ መወሰን ትክክል አያደርገውም። በተለይ ይህን በተመለከተ ብዙ ኢትዮጵያውያን ይሸወዳሉ። ያሳዝናል። እንደዚህ የሚያስቡ ሰወች ከእውነቱ በፊት የማሰብ፣ የማመዛዘንና የማጣራት አቅማቸውን ከፍ እንደሚያደርጉ ተስፋ አለኝ።

አፍራሽ ነገር ከማሰብ ይልቅ ገንቢ መሆን፤

ፊትም እንደጠቀስኩት ወዳጅነት የመስጠትና የመቀበል ጉዳይ ነው። ይህ ማለት እያንዳንዱ ሰው በራሱ ወደጅነትን ያፈርሳል ወይም ይገነባል። ይህን ማለት ሰው ባህሪው፣ የሚለውና የሚሰራው ወዳጅነት ላይ ወሳኝ ሚና ይጫወታል። የወዳጅን ሃሳብ ውድቅ ከማድረግና አይሰራም ከማለት ይልቅ፤ እንደት አስበሃል ብሎ መጠየቅ ይሻላል። ይህ ሃሳብህ አይሰራም። በከንቱ ለምን ትለፋለህ። ልክ አይደለህም። እነዚህን የመሳሰሉ አፍራሽ አባባሎች እንኳን ለወዳጅ ቀርቶ ለሌላም ሰው ማለት ያራርቃል እንጅ አያቀራርብም። በምትኩ ግን "ይህ ሃሳብህ አይሰራም" በማለት ፋንታ "ሃሳብህ እንዲሰራ ምን አቅደሃል" ማለት ይሻላል። "በከንቱ ለምን ትለፋለህ" በማለት ፋንታ "ጎበዝ ስለሆንክና ብዙ ስለምትለፋ ውጤትህን መለኪያህ ምንድነው" ብሎ መጠየቅ ይሻላል። "ልክ አይደለህም" በማለት ፋንታ "ምን ለማለት አስበህ ነው" ብሎ መጠየቅ ይሻላል። በህይወታችን ውስጥ ብዙ ነገሮች አባባላቸው ላይ እንጂ ተቀባይነት አላቸው። እርስዎ ግን እንደት ያስቧቸዋል? እንደት ይሏቸዋል? እንደት ያቀርቧቸዋል? ማሰብ፣ ማለትና ማቅረብ ወሳኝነት አለው። እርስዎ ሌላ ሰው ገንቢ ሃሳብ ሲሰጥዎት ደስ እንደሚልዎትና ሞራልዎ ከፍ እንደሚል እርግጠኛ ነኝ። ሌላውም ሰው እንደርስዎ ገንቢ ሃሳብ ማግኘትና መመገብ ይወዳል። ይህን በተጨማሪ ማስታወስ አፍራሽ ከመሆን ይልቅ ገንቢ ለመሆን ይረዳል።

Comments

አዲስ አስተያየት ይጨምሩ