You are here

Tatariw Amharic website Ethiopia wake up

ኢትዮጵያውያን እንብላ እንደምንለው ሁሉ እንስራስ ማለት እንወዳለን? አይመስለኝም! አሁን ያለንበት ሁኔታ ምስክር በአካልና በአዕምሮአችን ስለማንሰራ ነው፡፡ ጉድ ፈላ!

Tatariw Amharic website Ethiopia wake up

መሰረታዊ የአስሊ ዕውቀት፡፡ የአስሊ አጠቃቀም አጉል ባህሪ ካለወት አስሊወ በቫይረስና በሰላዮች ይጠቃል፡፡ ርካሽ ወይም ነጻ የሆኑ ጥሩ አማራጮችን ያውቃሉ?

Tatariw Amharic website Ethiopia wake up

ስለ ብቃትዎ ምን ያውቃሉ? ለምሳሌ ስለ እልህና ንዴት፤ ወድቆ መነሳት፤ ነጻነት፤ መምራትና መግባብት ወዘተ፡፡ ማሰብ፣ መናገርና ማድረግ መተው ዝምታ ነው!

Tatariw Amharic website Ethiopia wake up

ስለ ባህሪዎ ምን ያውቃሉ? ቀላል ነገሮች ላይ ይሳሳታሉ? ለምሳሌ በቀጠሮ መዘግየት፣ ቋንቋ መቀላቀል፣ ከማዳመጥ ይልቅ ብዙ ማውራት፣ እምነትዎስ ነካ ነካ ነው?

Tatariw Amharic website Ethiopia wake up

የሚያልሙትን ስራ አግኝተው ለማቆየት ስልቱን ያውቁታል? በስራ አለም ውስጥ የተጻፉና ያልተጻፉ ህጎችን ልብ ካሉ በስራዎ ለመደሰት፣ ለማደግና ለመርካት ይረዱወታል!!

Tatariw Amharic website Ethiopia wake up

በቀላሉ እራስዎን ይንከባከባሉ? የሚበላ ምግብ፣ የሚጠጣ መጠጥና የሚታሰብ ሃሳብ ወደ ሰውነታችን ስለሚገባ ህይወታችን ውስጥ ሚና አለው፡፡ ለምን?

1
2
3
4
5
6

ኮምፕዩተርወ በቀላሉ እንዳይጠቃ ጥንቃቄ ያድርጉ፤ ክፍል አንድ።

tatariw's picture
Submitted by tatariw on Mon, 04/21/2014 - 11:32
Ethiopia wake up addis ababa amharic ethiopia tatariw

መጀመሪያ ሁኔታውን ግልጽ ለማድረግ ማንኛውም ኢንተርኔት ጋር የተገናኘ ኮምፕዩተር ለጥቃት የተጋለጠ ነው። ይህ ጥቃት ለምሳሌ የተጠቃሚውን የግል መረጃ፤ የተለያዩ ሰነዶችና ከንብረት ጋር የተያያዙ መረጃወችን ለመስረቅ ነው። ሌላው ጥቃት ደግሞ በፖለቲካ ምክንያትም ሆነ ወንጀለኞችን ለመከታተል የሚደረግ የስለለላ ጥቃት ነው። በድርጅቶችና በሃገሮች መከከል ደግሞ የተለያየ ቴክኖሎጂና መረጃ ለማግኘት አንዱ ከሌላው ይሰልላል ወይም ይሰርቃል። የተጠቃሚው ኮምፕዩተር እንዳይሰራ ለማድረግና መረጃወቹንም ለማበላሸት ተባይ እየሰሩ የሚያሰራጩም አሉ። እኛ በአካል ስለማናየው ነው እንጂ ከፍተኛ የሳይበር ጦርነት አለ። ለዚህም አላማ ብዙ ገንዘብና የሰው ሃይል ይውላል።

ዝም ብሎ ግለሰቦችን መሰለል ጥቅም ስለሌለው ብዙው ጥቃትና ስለላ የሚደረገው በድርጅቶችና በሃገሮች መካከል ነው። ሆኖም ግን ለምሳሌ እንደ ኢትዮጵያ ያለ አምባገነን ሰርአት ያላቸው ሃገሮች ግለሰቦችንም ይሰልላሉ። አሁን እኔ በድርጅቶችና በሃገሮች መካከል የሚደረገው ስለላ የረቀቀ ስለሆነ አላውቅም። ግን አንድ ግለሰብ ኮምፕዩተሩ በቀላሉ እንዳይጠቃ ፍንጭ ለማሳየት ነው።

ግል ኮምፕዩተርን ከጥቃት ለመጠበቅ ልክ የግል ቤትን መስኮትና በራፍ መቆለፍ ጋር ይመሳሰላል። ወደ ከተማም ሲደርሱ መኪናን ፓርክ ካደረጉ በኋላ ሞተሩን አጥፍቶ፣ መከላከያ አላርሙን ቀስቅሶና በራፎቹን ቆልፎ ወደ ሱቅ መሄድ ጋር ይመሳሰላል። በግልጽ እንደሚታወቀው ቤትን ካልቆለፉ እቃ ይዘረፋል። መኪናንም ካልቆለፉ መኪና ውስጥ ያለው እቃ ይሰረቃል። መኪናዋ እራሷም ልትወሰድ ትችላለች። የቤቱም ሆነ የመኪናዋ ባለቤት በተቻለው ሁሉ ጥንቃቄ ማድረግ አልበት። ሁኔታው ተጋኖ ለምሳሌ ሌባው የተቆለፈውን ቤት በመጥረቢያ ፈልጦ ከገባ ሌላ ጉዳይ ነው። በተመሳሳይም ሌባው መኪናዋን በክሬን አንስቶ እንደተቆለፈች በጭነት መኪና ይዟት ጥርግ ቢል ሌላ ጉዳይ ነው። ዋናው ቁም ነገር ግን ባለቤቱ በቀላሉ እንዳይጠቃ የመጀመሪያውን ጥንቃቄ ማድረግ አለበት።

በሌላ መልኩ ደግሞ የማያውቁት ሰው በራፍ ቆርቁሮ መግባት ቢፈል ሳናጣራ ዝም ብለን ቤት ለንግዳ ብለን ቤቱን አናስረክብም። ይህን የሚያደርግ ሰው ካለ በቀላሉ ሊጠቃ የሚችል ቂል ሰው ነው ማለት ነው። መኪናዋንም በተመለከተ ለምሳሌ ባለቤቱ መኪናዋን እያሽከረከረ እንዳለ ድንገት አንዱ ለመፈናጠጥ ቢጠይቅ የማያውቁትን ሰው ማፈናጠጥ ለአደጋ ሊያጋልጥ ይችላል።

ኮምፕዩተርን ደህንነት ለመጠበቅ የቤትና የመኪናውን ምሳሌ ይመሳሰላል። የሚለያቸው ነገር ቢኖር የቤትና የመኪና ጥቃት አካላዊ ነው። የኮምፕዩተር ጥቃት ግን ስውር ነው። ኮምፕዩተርን ለመከላከል ደግሞ እራሱን የቻለ የመከላከያ እርምጃ አለው። ይህ መከላከያ ደግሞ እንደ ሽንኩርት ልጫ የተደራረበና የሚገማ ነው። በደረጃና በሽፋን የተከፋፈለ ነው። ብዙን ጊዜ ሰወች ኮምፕዩተራቸው የሚጠቃው ባለማወቅና በችልተኝነት ነው። ዋናው የሚያጋልጣቸው ምክንያት ግን የኮምፕዩተር አጠቃቀም ባህሪያቸው ነው። ይህ እንዴት እንደሆነ ሁለተኛው ክፍል ላይ አቀርባለሁ። የመጨረሻው ክፍል ደግሞ በቀላሉ ጥቃትን እንዴት መቀነስ እንደሚቻል በዝርዝር ይቀርባል።

አዲስ አስተያየት ይጨምሩ