You are here

Tatariw Amharic website Ethiopia wake up

ኢትዮጵያውያን እንብላ እንደምንለው ሁሉ እንስራስ ማለት እንወዳለን? አይመስለኝም! አሁን ያለንበት ሁኔታ ምስክር በአካልና በአዕምሮአችን ስለማንሰራ ነው፡፡ ጉድ ፈላ!

Tatariw Amharic website Ethiopia wake up

መሰረታዊ የአስሊ ዕውቀት፡፡ የአስሊ አጠቃቀም አጉል ባህሪ ካለወት አስሊወ በቫይረስና በሰላዮች ይጠቃል፡፡ ርካሽ ወይም ነጻ የሆኑ ጥሩ አማራጮችን ያውቃሉ?

Tatariw Amharic website Ethiopia wake up

ስለ ብቃትዎ ምን ያውቃሉ? ለምሳሌ ስለ እልህና ንዴት፤ ወድቆ መነሳት፤ ነጻነት፤ መምራትና መግባብት ወዘተ፡፡ ማሰብ፣ መናገርና ማድረግ መተው ዝምታ ነው!

Tatariw Amharic website Ethiopia wake up

ስለ ባህሪዎ ምን ያውቃሉ? ቀላል ነገሮች ላይ ይሳሳታሉ? ለምሳሌ በቀጠሮ መዘግየት፣ ቋንቋ መቀላቀል፣ ከማዳመጥ ይልቅ ብዙ ማውራት፣ እምነትዎስ ነካ ነካ ነው?

Tatariw Amharic website Ethiopia wake up

የሚያልሙትን ስራ አግኝተው ለማቆየት ስልቱን ያውቁታል? በስራ አለም ውስጥ የተጻፉና ያልተጻፉ ህጎችን ልብ ካሉ በስራዎ ለመደሰት፣ ለማደግና ለመርካት ይረዱወታል!!

Tatariw Amharic website Ethiopia wake up

በቀላሉ እራስዎን ይንከባከባሉ? የሚበላ ምግብ፣ የሚጠጣ መጠጥና የሚታሰብ ሃሳብ ወደ ሰውነታችን ስለሚገባ ህይወታችን ውስጥ ሚና አለው፡፡ ለምን?

1
2
3
4
5
6

ተመራመር ይገኛል ቁምነገር ለምን ተባለ?

tatariw's picture
Submitted by tatariw on Mon, 07/05/2004 - 19:06

ባቶቻችን 'ተመራመር፥ ይገኛል ቁምነገር ብለው ነበር፡፡ እኛም ለመሻሻል በሚበጁ ነገሮች ላይ መመራመር ይጠበቅብናል፡፡ መመራመሩ የግድ አውሮፕላን ለመስራት ብቻ መሆን የለበትም፡፡ እያንዳንዳችን የተለያየ ተሰጥኦና ችሎታ አለን፡፡ ለማደግና ለመሻሻል ሲባል ማንኛውንም ነገር ጠለቅ ብሎ ማየቱ ለመሻሻል ሰፊ በር ይከፍታል፡፡ የምናስበውን ሃሳብና የምንሰራውን ስራ በአግባቡ ለማሻሻል መጣር እራሱ መመራመር ነው፡፡ አስተሳሰባችንና አሰራራችን ጥራት እንዲኖረው መጣርና እራሳችንን ለለውጥ ማዘጋጀት እራሱ የመመራመር ክፍል ነው፡፡ ያለውንና የነበረውን ነገር ለማሻሻል መጣር እራሱ መመራመር ነው፡፡ እኛ ግን እነዚህ ነገሮች በደንብ ስለማናስብባቸውና አቅለን ስለምናያቸው ለብዙ ዘመናት ሳይለወጡ እንዳሉ ቆመዋል፡፡

ሰው እንኳን ሰላም ስንል 'ሰላም' የምትለዋን ቃል በዜማ ማለቱና አለማለቱ ልዩነት አለው፡፡ ፈገግ ብሎ ሞቅና ጠበቅ ያለ ሰላምታ መስጠትና ፊትን አጥቁሮ ጋራ ጋራውን እያዩ ሰላምታ ማቅረብ ልዩነት አለው፡፡ ለዘመናት እንዳደረግነው ሁሉ፥ ሁል ጊዜ ባለንበት መሄድ የለብንም፡፡ አዲስ ምግብ ቤቶችና ሆቴሎች ተከፍተው ከተወሰነ ጊዜ በኋላ ምግቡ የማይጥምና አገልግሎቱም የማይስብ መሆን የለበትም፡፡ ንፅህናና አገልግሎቱም መጨመር እንጂ መቀነስ የለበትም፡፡ ደንበኞችን ለማርካትና ለማስደሰት የምግብ ቤቱ አገልግሎትና ንጽህና መጨመር እንጂ መቀነስ የለበትም፡፡ ምክንያቱም ለማደግና ለመሻሻል ደንበኞችንም ለመሳብና ለማስደሰት ሲባል ነው፡፡ እዚህ ላይ ነው ማሰቡና መመራመሩ የሚጠቅመው፡፡

ስራ ታታሪዎች ጥቂቶቻችን ብቻ መሆን የለበትም፡፡ ጊዜና ጉልበታችንን እንዲሁም ዕውቀታችንን በመጠቀም ብቻ በቀላሉ የሚሻሻሉ ነገሮች አሉ፡፡ ጠለቅ ብለን በማሰብ በተገቢው መንገድ ለማትረፍና ደንበኞችንም ለማስደሰት መለወጥና መመራመር የግድ ነው፡፡ ነጋዴወችም ከሆንን ደንበኞችን አታለን በከፍተኛ ዋጋ ዕቃ ከመሸጥ ይልቅ ደንበኞች የሚፈልጉትንና የሚወዱትን ነገር ከሌለን ሌላ ሱቅ ወይም ቦታ ማሳየት መቻል አለብን፡፡ በፈገግታ ደንበኞችን አስተናግደን ጥሩ አገልግሎት ከሰጠናቸው ወደእኛው ዘንድ ሌላ ጊዜ እንደሚመለሱ ማዋቁ በጣም ይጠቅማል፡፡ ደንበኞች በሚሰጣቸው አገልግሎት በረኩ ጊዜ ለሚያውቋቸውም የመንገራቸው እድል ሰፊ ነው፡፡

ራንም በተመለከተ አንድ ሰው የሚሰራውን ስራ በርካታ ሆነን ስራው እንዴት እንደሚሰራ ማውራት አያስፈልገንም፡፡ መጨረሻም ላይ ስራው ሳይሰራ ይቀራል ወይም ይዘገያል፡፡ ይህንን በተለያዩ አጋጣሚወችና ቦታዎች ታዝቤአለሁ፡፡ ስራን በተመለከተ 'ሃኪሞች ሲመካከሩ በሽተኛ ይሞታል' እንደሚባለው እንዳንሆን ቆፍጠን ብሎ ላጥ ላጥ እያደረጉ በጊዜውና በቦታው ስራን መስራት አስፈላጊ ነው፡፡ ይህ ማለት ታዲያ ብዙወቻችን በቀላሉ መሰራት ያለበትን ስራ ማክበድና በወሬ ብቻ መተንተን አያስፈልገንም፡፡ አስተዋጾኦም ሳናደርግ የሰሩትን ሰዎችና የተሰራውን ውጤት በገንቢነቱ ሳይሆን በአፍራሽነቱ ብቻ ጉድፈት ማውጣት ተገቢም አይደለም፡፡ ለቁምነገርና ለስራ የበለጠ ብንጥር ለኢትዮጵያና ለራሳችን ክብርና ዕድገት እጅግ ይጠቅማል፡፡ የሚያስከብረን ስራችንና ባህሪያችን እንጂ ነፃነታችን አይደለም፡፡ በነጻነታቸው መኩራት የሚገባቸው የጥንቶቹ አባቶቻችን እንጂ እኛ አይደለንም፡፡

አዲስ አስተያየት ይጨምሩ