You are here

Tatariw Amharic website Ethiopia wake up

ኢትዮጵያውያን እንብላ እንደምንለው ሁሉ እንስራስ ማለት እንወዳለን? አይመስለኝም! አሁን ያለንበት ሁኔታ ምስክር በአካልና በአዕምሮአችን ስለማንሰራ ነው፡፡ ጉድ ፈላ!

Tatariw Amharic website Ethiopia wake up

መሰረታዊ የአስሊ ዕውቀት፡፡ የአስሊ አጠቃቀም አጉል ባህሪ ካለወት አስሊወ በቫይረስና በሰላዮች ይጠቃል፡፡ ርካሽ ወይም ነጻ የሆኑ ጥሩ አማራጮችን ያውቃሉ?

Tatariw Amharic website Ethiopia wake up

ስለ ብቃትዎ ምን ያውቃሉ? ለምሳሌ ስለ እልህና ንዴት፤ ወድቆ መነሳት፤ ነጻነት፤ መምራትና መግባብት ወዘተ፡፡ ማሰብ፣ መናገርና ማድረግ መተው ዝምታ ነው!

Tatariw Amharic website Ethiopia wake up

ስለ ባህሪዎ ምን ያውቃሉ? ቀላል ነገሮች ላይ ይሳሳታሉ? ለምሳሌ በቀጠሮ መዘግየት፣ ቋንቋ መቀላቀል፣ ከማዳመጥ ይልቅ ብዙ ማውራት፣ እምነትዎስ ነካ ነካ ነው?

Tatariw Amharic website Ethiopia wake up

የሚያልሙትን ስራ አግኝተው ለማቆየት ስልቱን ያውቁታል? በስራ አለም ውስጥ የተጻፉና ያልተጻፉ ህጎችን ልብ ካሉ በስራዎ ለመደሰት፣ ለማደግና ለመርካት ይረዱወታል!!

Tatariw Amharic website Ethiopia wake up

በቀላሉ እራስዎን ይንከባከባሉ? የሚበላ ምግብ፣ የሚጠጣ መጠጥና የሚታሰብ ሃሳብ ወደ ሰውነታችን ስለሚገባ ህይወታችን ውስጥ ሚና አለው፡፡ ለምን?

1
2
3
4
5
6

ወዳጅና ጓደኛዎ ማነው? ስለ ጥቃቅን ነገሮች መከታተል። ክፍል ሦስት፤

tatariw's picture
Submitted by tatariw on Tue, 03/17/2015 - 18:42
Tatariw Ethiopia Amharic addis ababa Ethiopian flag wake up

ክፍል አንድ ላይ ወዳጅና ጓደኛ ምን እንደሆነና እንደት እንደሚገኝ ባጭሩ ቀርቧል። ክፍል ሁለት ላይ ደግሞ ወዳጅነትን ለማጠንከርና ለመጠበቅ ጥርጣሬን ማጣራትና ማስወገድ፤ ከዛም አፍራሽ ነገር ከማሰብ ይልቅ ገንቢ ስለመሆን አቅርቤአለሁ። አንደኛውና ሁለተኛውን ክፍል ከሶስተኛው ክፍል ጋር ግንኙነቱን ለማወቅ ከፈለጉ መጀመሪያ የመጀመሪያወቹን ሁለቱን ክፍሎቹን ማንበብ አለብዎት። እዚህ ሦስተኛው ክፍል ላይ ደግሞ ጥቃቅን ስህተቶችን መከታተል የቱን ያህል አፍራሽ እንደሆነና መፍትሄዎችንም አብረን እናያለን።

ጥቃቅን ስህተቶችን መከታተል ህይወትን ያከብዳል።

ሰወች ጥቃቅን ስህተቶችን በተደጋጋሚ የሚከታተሉት ለምድነው? ህይወት ማክበዳቸውን ስለማይረዱት ነው ይመስለኛል። በተቃራኒው ደግሞ ሰወች አንድ አይነት ቀላል ስህተቶችን የሚደጋግሙት ለምድነው? ካለፈው ስህተታቸው መማር ስለማይችሉና ልብ ስለማይሉ ነው።

ሰው በተፈጥሮው አውቆትም ሆነ ሳያውቀው የሚደብር ስህተትም ሆነ አመል አለው። ይህ ቀላል ስህተትና አመል ተቀባይነቱ እንደ አስተናጋጁ ይለያያል። ሆኖም ግን የወዳጅን ጥቃቅን ስህተቶች አቻችሎና ሚዛን አድርጎ መኖር ይቻላል። እንደሚመስለኝ ይህንን ሚስጥር ለብዙ ዘመን አብረው የኖሩ ባልና ሚስቶች ያውቁታል። ለብዙ አመታት በወዳጅነት የቆዩ ወዳጆች ያውቁታል። ከልጅነት ጀምሮ በጓደኝነት የቆዩ ያውቁታል።

ሰብኩት ዋናው ነጥብ ግን ጥቃቅን ስህተቶችን በመከታተል ምክንያት የተገነባውን ሊያፈርስ እንደሚችል ለማሳየት ነው። ጥቃቅን ስህተቶች ለምሳሌ ለቤተሰብ ወተት ሳይገዙ ረስቶ ወደቤት መምጣት ሊሆን ይችላል። ወዳጅዎ ጋር ሆነው ስልክ ተደውሎልዎት በስልክ ረዘም ላለ ጊዜ ወሬ ማውራት ሊሆን ይችላል። ሁሉንም ነገር መጥቀስ ስለማይቻል ሁለት ምሳሌወች ብቻ ነው የጠቀስኩት። ስለዚህ ወተቱን በተመለከተ ወይም ወደሱቅ ተመልሶ ወዲያውኑ መግዛት ነው። ወይም ለነገ ማስተላለፍ ነው። በወተት የተነሳ ቤተሰብ ውስጥ ኬኩ በምን ሊሰራ ነው? ልጆቹ ምን ሊጠጡ ነው? እያሉ ጭቅጭቅ፣ ማጠንጠንና ማባዛት አያስፈልግም። ስልኩን በተመለከተ ወዳጅዎን ይቅርታ ብለው ባጭሩ ንግግርዎን መጨረስና በኋላ ብቻወን ሲሆኑና ጊዜ ሲኖርዎት መደወል ይሻላል። አስቸኳይ ከሆነም በቅድሚያ ለወዳጅዎ መንገር ይመረጣል።

ጥቃቅን አመሎች ደግሞ ለምሳሌ ሲሄዱ፣ ሲያዛጉ፣ ሲስሉ፣ ሲዘገዩ፣ ሲበሉ፣ የውሸት ፈገግታ ሲያሳዩ ወዘተ የሚያሳዩት የሰውነት ቋንቋ ሊሆን ይችላል። የህዝብ ማመላለሻ ስለዘገየ መራገም ሊሆን ይችላል። እነዚህንና ተመሳሳይ ልምዶችን በራስዎ ማሻሻል ቢችሉም ወዳጅዎም በዚህ መደንገጥ የለበትም። በዚህ ምክንያት ወዳጅነት መሻከር ወይም መቀነስ የለበትም። ሌላውን ትልቁን ስዕል ማየት ይሻላል።

ንሿ ጥፋትና አመል ስንት አመት ሙሉ የቆየ ወዳጅነት ማፍረስ የለባትም። ስንት አመት ሙሉ የተገነባ ትዳር መበተን የለባትም። ትንሽ ነገር መከታተልና ጸጉር መሰንጠቅ ከየት ጀምሮ የት እንደሚደርስ ወዲያውኑ አይታወቅም። በምትኩ ግን ቀስ ብሎ ከወዳጅ ወይም ከቤተሰብ ጋር መነጋገርና መፍትሄ ማግኘት ይቻላል። በመነጋገር መፍትሄ የሌላቸው አንዳንድ ቀላል ነገሮችም አሉ። ለምሳሌ አንዳንድ ሰዎች አንዳንድ ጸባያቸውና በሚወዱት ነገር ላይ ድርድር አይፈልጉም። የነዚህን ግለሰቦች የማይጎዳ ፍላጎትና አመል ለምዶና ችሎ መኖር አንዱ ለወደጅ ወይም ለቤተሰብ የሚከፈል መጽዋትነት ነው። ለምሳሌ እርስዎ አንዳንድ ሰወች ላይ የሚደብር ጸባይ ሊያዩ ይችላሉ። በተቃራኒው ግን እርስዎም ለሌሎች የሚደብር ጸባይ ሊኖረዎት እንደሚችል ማወቁ ጥሩ ነው። ይህንን ልብ ካሉ አንዳንድ ነገሮችን ለማለፍና ለመቀበል እንዲችሉ ይረዳዎታል። እራስዎንም እንዲያዩ ያደርገዎታል። ዋናው ነጥቡ ለምሳሌ በረጅሙ ከሰው ጋር ወዳጅ ለመሆን፣ ቤተሰብዎ ውስጥ ፍቅር ለማብዛትና ከሰው ጋር አብሮ ለመስራት ከፈለጉ ጥቃቅን ጸባይ ወይም ስህተቶችን መቀበልና ማለፍ አለብዎት ማለቴ ነው። ትልቁ ስዕል ላይ ማተኮር አለብዎት። 2% እጅ እንኳን የማትሆን ስህተት ሌላውን የ 98% እጁን የለፉበትን የስንት ጊዜ ወዳጅነት መበከል የለባትም።

ታታሪው ዶት ኔት ላይ ገብተው ስላነበቡ አመሰግናለሁ!! አስተያየት ካለዎት ከታች ይጻፉ።

Comments

እጅግ በጣም እናመሰግናለን።
ማንበብ የሚችል ሁሉ ያንብብ
ልብ ያለው ሁሉ ሸብ ያድርግ
ምክንያቱም አስተማሪ ነው።ከዚህ የበለጠ እንድትሠሩ ፈጣሪ ይርዳዎት!!!!

አዲስ አስተያየት ይጨምሩ