ያስተሳሰብ ጀግና ሁለተኛ እትም ጀግና እንዴት?
jegna Ethiopia Amharic Tatariw jegnye Addis Ababa Fantaw Tesema

ያስተሳሰብ ጀግና እንዴት መሆን ይቻላል?

Oct 25, 2020

ያስተሳሰብ ጀግና እንዴት መሆን ይቻላል?

ስተሳሰብ ጀግና መሆን እራሱን የቻለ ስራና ፈተና ነው! ችግር የለም! ያስተሳሰብ ጀግና እንዴት መሆን እንደሚቻል በቀላሉ ሃሳቤን ማጋራት እችላለሁ፡፡ ይኸን የሚያስችሉ 3 ዋና ዋና ነጥቦች አብረን እንይ፡፡

1ኛ ረጋ ማለትና ጊዜ መጠቀም፤
2ኛ ልብ ማለትና ትኩረት መስጠት፤
3ኛ መለማመድና መፈጸም ናቸው፡፡

jegnaye Ethiopia Amharic Tatariw jegna mejemeriya Addis Ababa Fantaw Tesema ሁኑ ዙር ላይ ረጋ ማለትና ጊዜ መጠቀም እንዴት እንደሚቻል ባጭሩ ላስረዳ፡፡ በሚቀጥለው ጊዜ የቀሩት ሁለት ነጥቦች ይቀርባሉ፡፡ የመጀመሪያው፤ ረጋ ማለት ሃሳባችንን ለማሰባሰብ ይረዳናል፡፡ ለዚህ ደግሞ ጊዜ ያስፈልገናል፡፡ ለዚህም ነው በህይወታቸው ውስጥ ጥሩ ውሳኔ የሚወስኑ ሰወች ላስብበት የሚሉት፡፡ ጊዜ እፈልጋለሁ፤ አስብበታለሁ የሚሉት፡፡ ምክንያቱም ማጣራትና ማወቅ ያለባቸው ነገር ካለ ረጋ ብለው ጊዜ ይጠቀማሉ፡፡ እንቁላል ቀስ በቀስ በግሩ ይሄዳል ይባል የለ፡፡ የጥንት አባቶቻችን አባባል እስካሁን ድረስ ይሰራል፡፡ አስተሳሰብም እንደዚሁ ነው፡፡ በኛ ባህል ላስብበት ማለት ብዙም የተለመደ አይደለም፡፡ ቀስ ብለው ያሰቡበት ጉዳይ ግን መጨረሻ ላይ ውጤቱ ያማረ ይሆናል፡፡ ሁሉም ነገር ላይ ዘገምተኛ እንሁን ማለቴ አይደለም፡፡ በፍጥነት መወሰን ያለብን ነገር ካለ ቶሎ መወሰን ይቻላል፡፡ ስንናገር እንኳ ትንፋሽ መውሰድና በሰኮንዶች ውስጥ ቃላት መምረጥ መቻል በራሱ በፍጥነት መወሰን ነው፡፡

በተለይ አሁን በምንኖርበት ዘመን ብዙ መረጃወች ይደርሱናል፡፡ በመስማት፣ በማየትና፣ ተካፋይ በመሆን የተለያዩ መረጃወች ይደርሱናል፡፡ ረጋ ማለትና ጊዜ መጠቀም ብቻ ሳይሆን መመርጥ መቻልም እራሱን የቻለ ፈተና ነው፡፡ የችኮላ አስተሳሰብና ስራ ነካ ነካ ስለሚሆን የመጨረሻ ውጤቱ የሚያኮራ አይሆንም፡፡ ለምሳሌ የተባለውን ቶሎ እንዳንረሳ ረጋ ማለትና ማሳቢያ ጊዜ ያስፈልገናል፡፡ ረጋ ማለትና ጊዜ መጠቀም የሰማነውን ለማስታወስ ያግዘናል፡፡ ያየነው ደሞ አዕምሮአችን ውስጥ ቅርጽ እንዲሰራ ያደርጋል፡፡

ማስታወስ ጊዜ የሌለው ለችግር መፍትሄ የለውም፡፡ ልክ ሳያጠና ፈተና ተፈትኖ እንደወደቀ ሰነፍ ተማሪ ይቆጠራል፡፡ ከዛ ባለፈ ደሞ እያንዳንዱ ሰው የማያልቅ የህይወት ፈተና አለበት፡፡ ህይወታችን ውስጥ ብዙ ነገር ይደርስብናል፡፡ የሚሆኑትን ነገሮች ልክ እንደ ጎበዝ ተማሪ ካጠኗቸው መፍትሄ ለማግኘት ከባድ አይደለም፡፡ ሁላችንም በህይወት ውስጥ ተፈታኝ ተማሪዎች ነን፡፡ ፈተናውን ለመቋቋም የመጀመሪያው መነሻ እርምጃ ሃሳባችንን ረጋ ብለን ማጥናት ነው፡፡ ሃሳብን ረጋ ብሎ ማጥናት የሚያኮራ እንጂ የሚናቅ አቋም አይደለም፡፡

እዚህ ድረስ ስላነበቡ አመሰግናለሁ! ከታች አስተያየት ለመስጠት አይርሱ!!

Error: No site found with the domain 'tatariw.net'